MARIENIA – MOBILIZAZIO DEIA – EKAINAREN 14an
DENAK MARIENIA-ra EKAINAREN 14an!
Marienia : ordu da hazlurrak behin betiko babesteko!
Urrats berri bat ekainaren 14an, igandearekin!
Marienia, Euskal Herri osoan, hazlurren defentsaren borroka enblematikoa bilakatu da. Ordu da arrazoi ekologikoak eta lurraren hazkurri funtzioak interes pribatu eta etekin goseari gaina har diezaioten. Eraikuntza proiektua bertan behera gelditu behar da behin betiko eta Marieniako lurrak laborantzarako bilakatu behar dira. Ordu da, artifizializazio baztertuz, Iparraldeko herritar gehiengoaren etxebizitza beharrei beste modu batez erantzuteko.
Bakoitzak bere erantzukizunak hartu behar ditu. Kanboko Herri hauteskundeak Marieniako lurren artifizializatzea defenditzen zuen zerrendak galdu ditu. Auzapez berria behin baino gehiagotan proiektuaren kontra agertu da. Berdin egin du Euskal Elkargoko presidente berriak.
Bainan herri mobilizazioa da garaipenen bermea. Horrela, 2025eko udaberrian barazkiak eta urrian garia landatu ondoren (azken hau esku anonimo batzuek pozoindua) urrats berria emanen dugu ardi errebelde batzuen laguntzarekin, abere okupazioa abiatuz!
Zatozte kopuru handian, ekainaren 14an igandearekin, mobilizazio egunera, 11etatik goiti :
- Arditegiaren eraikuntza lana
- Lurraren aldeko borroken topaketak
- Ardi errebeldeen heltzea eta instalazioa
- Bazkari partekatua
- Antzerki, musika eta animazioak
Xakurren presentzia ez da egokia egun horretan.